ATU-nun Ortopedik stomatologiya kafedrasında tələbələr və rezidentlər üçün seminarlar keçirilir
Azərbaycan
Tibb Universitetinin (ATU) Ortopedik stomatologiya kafedrasında tələbələr və
rezidentlər üçün seminarlar keçirilir.
ATU-nun
Ortopedik stomatologiya kafedrasının müdiri Nazim Pənahov tədbir
iştirakçılarına seminarın mahiyyətindən bəhs etdi. O bildirdi ki, ATU rektoru,
professor Gəray Gəraybəylinin göstərişinə əsasən, tələbələr və rezidentlər üçün
nəzərdə tutulan seminarlar qeyri-iş günlərində təşkil edilir: "Seminarlara
ortopedik stomatologiya sahəsinin tanınmış mütəxəssislərini cəlb edirik. Təxminən
2 saat davam edən tədbirdə I və III kurs rezidentləri və yuxarı kurs tələbələri
iştirak edirlər və onların sualları mütəxəssislərimiz tərəfindən
cavablandırılır. Bu sayca ikinci seminarımızdı. Tədbiri davamlı olaraq hər ay
keçirməyi planlaşdırırıq. İlk seminarda ”Stomatologiyada 3d planlama və
tomoqrafiya” mövzusunu seçmişdik. Seminarı ATU-nun Ortopedik stomatologiya
kafedrasının doktorantatı Rüfət Hüseynov aparmışdı və çox müsbət qarşılanmışdı”.
İkinci seminar
ATU-nun Ortopedik stomatologiya kafedrasının assenti, tibb üzrə fəlsəfə doktoru
Aslan Məmmədovda həvalə edilib. O, "Diş ətrafı bioloji enin formalaşması -
anatomiyası və əhəmiyyəti” mövzusunda məruzə ilə çıxış edib. Aslan Məmmədovun
sözlərinə görə, seminarda müzakirə olunan mövzu dərs proqramında yoxdur, lakin
çox önəmli bir mövzudur: "Bizim məqsədimiz ondan ibarətdir ki, mümkün qədər həm
informativ tərəfdən, həm də kliniki təcrübə baxımından təcrübəmizi tələbələrlə
bölüşək. Bu gün təqdim etdiyim mövzu parodontologiyadan bəhs
edir və dünya stomatologiyasında olan əsas problemləri əhatə edir. Bu mövzu dərsliklərə
salınmayıb, bu baxımdan da tələbələrin bu haqda öyrənməsi üçün böyük şans
yaradılıb”.
Qeyd edək
ki, A. Məmmədov Almaniyada sözügedən mövzu üzrə ixtisaşlama keçib. 2007-2010-ci
illər ərzində Almaniyada Münxen IPI institunun parodontologiya üzrə ixtisaslaşma
programını bitirib.2013-2015-ci illər ərzində Avstriyada Vena Tibb
Universitetinin Parodontologiya kafedrasinda elmi araşdırmalar və
parodontologiya ixtisasi üzrə təhsil alıb. 2014-ci ildən Avstriya Parodontologiya Cəmiyyətinin üzvüdür.