AZƏRBAYCANDA KORONAVIRUSLA BAĞLI XƏBƏRLƏR

Atası jestlə işarə edir ki, onu tanıyır

Atası jestlə işarə edir ki, onu tanıyır

İdman
23 İyun 2020, 14:00 412
UFC çempionu  Həbib Nurməhəmmədov koronavirusa tutulan atası Abdulmanap Nurməhəmmədovun səhhəti barədə danışıb. 
 
Kaspi.az xəbər verir ki, Nurməhəmmədov atasının vəziyyətinin hələ də ağır olduğunu bildirib. Amma buna  baxmayaraq, onun səhhətində cüzi irəliləyişin olduğunu da vurğulayıb: 
 
"Onu vurğulayım ki, atamın vəziyyəti hələ də kritikdir. O, reanimasiyadadır. Artıq koronavirusun simptomları yoxdur. 
 
Amma virus özündən sonra fəsadlar saxlayıb. Atamın ürəyində problem yaranıb. Buna görə də xəstəxanadadır. Virusa görə isə narahat olmağa dəyməz. 
 
Onun yanına gedirəm, məni tanıyır. Amma ünsiyyət qura bilmirik, çünki aparata qoşulub. Məni hər gün onun yanına buraxırlar. Təxminə n 30 dəqiqə yanında oluram. Əllərindən tuturam, o isə gözlərimin içinə baxır. Ona deyirəm ki, ata, məni tanıyırsan? O isə başı ilə işarə edir ki, tanıyıram”.