Ankaradan Vaşinqtona PKK xəbərdarlığı
On illərdir Türkiyənin
başına bəla olan separatçı PKK terror təşkilatı qardaş ölkəyə qarşı iyrənc
əməllərindən çəkinmir. Heç kimə sirr deyil ki, terror təşkilatının Türkiyənin
parçalanmasına yönələn bu addımlarının arxasında kənar qüvvələr durur. Məhz həmin
qüvvələrin siyasi və hərbi dəstəyindən yararlanan PKK Türkiyənin bölünməsi
istiqamətində müxtəlif iyrənc üsullara əl atır.PKK-ya dəstəkçi
dövlətlərin sırasında ABŞ, Rusiya, Ermənistan və bir sıra Qərb dövlətlərinin
adları çəkilib. Hətta Dəfələrlə rəsmi Ankara ən yüksək səviyyədə
separatçı təşkilata göstərilən dəstək və yardımları dayandırmağa çağırsa da,
buna əməl edən yoxdur. ABŞ sözdə PKK-nı terror təşkilatı kimi tanısa da, ona
yaxın qruplaşmalara dəstək verir.
Onu da qeyd edək ki, son
günlər PKK-ya qarşı sərt addımlar həyata keçirən Türkiyə irimiqyaslı
əməliyyatlar reallaşdırmaqdadır. Məsələn, Türkiyənin başına bir milyon türk
lirəsi qoyduğu (330 min dollara yaxın) terrorçuPKK qruplaşmasının
silahlısı məhv edilib."Ahmet İpek” kod adlı Çekdar ZinarTürkiyənin
Dağlıca bölgəsindəzərərsizləşdirilib.Məlumata görə, o,Hakkari
əyalətinin Dağlıca bölgəsində təhlükəsizlik qurumunun 8 əməkdaşının qətlində
iştirak edib. Onagörə də barəsində axtarış elan edilib vəbaşına bir
milyon türk lirəsi qoyulub.Bundan başqa,başlarına 300 min türk
lirəsi (100 min dollar) qoyulan Vahdettin Uyanık və Şerifa Naşa Suriyada "YPG”
(terrorçu PKK qruplaşmasının Suriyadakı qollarından biri) sıralarında döyüşdə
zərərsizləşdirilib.
Qardaş ölkənin mətbuatının yaydığı məlumata görə, rəsmi Ankara Hakkarinin
Çuxurca qəsəbəsində PKK tərəfindən 3 əsgərin şəhid edildiyi və 4 əsgərin
yaralandığı hücumdan sonra hadisəni törədən terrorçulara qarşı əməliyyat
başlayıb. Terrorçuların İraqın şimalındakı Avaşin-Basyan bölgəsində olduğu
təyin edilib. Alınan məlumatın izi ilə Türkiyə Hava Qüvvələrinə aid döyüş
təyyarələri 4 hədəfi vurub, silahları və ətrafda olan 10 terrorçunu
zərərsizləşdirib. İraqın şimalındakı Zap bölgəsində də təsbit edilən 2 raket
qurğusu məhv edilib. Məlumata görǝ bölgədə təhlükəsizlik qüvvələri ilǝ
terrorçular arasında fasilələrlə qarşıdurmalar davam edir.
Belə bir gərgin durumda Türkiyə rəsmiləri ABŞ-a səfər ediblər.
Prioritet məsələ FETO qruplaşması və onun lideri Fətullah Gülən olsa da, PKK da
diqqətdən kənarda qalmayıb. Türkiyə baş nazirinin müavini Mehmet Şimşək Türkiyə-ABŞ
İş Şurası və ABŞ -Türkiyə Şurasının əməkdaşlığı ilə Vaşinqtonda təşkil edilən
ABŞ-Türkiyə əlaqələri 35-ci illik konfransda iştirak edib. Terror təşkilatı PKK
ilə mübarizə barədə danışan Mehmet Şimşək deyib ki, Türkiyənin kürdlərlə heç
bir problemi yoxdur: "Əslində Türkiyə kürd vətəndaşlarının mövcudluğu ilə daha
güclüdür. Bu barədə heç bir sual işarəsi yoxdur. Bizim problemimiz terror
təşkilatı PKK-dır. PKK ABŞ-ın, Avropa İttifaqının və BMT-nin terror
siyahısındadır. ABŞ bu durumu başa düşür və bizimlə çox yaxın müttəfiq oldu”. ABŞ-ın
PKK-nın Suriyadakı davam olan PYD/YPG ilə əməkdaşlığının bölgə üçün zəhərli
olduğunu vurğulayan baş nazirin müavini bildirib ki, PKK ölkəsi üçün ciddi
problemdir: "Eyni şeyi PKK-nın Suriyadakı davamı olan terror təşkilatları üçün
də söyləyirik. ABŞ ilə bu barədə ziddiyyət yaşanması pis vəziyyətdir. Amerikalı
dostlarımızın axırda bu barədəki düşüncələrini dəyişəcəyinə inanıram”.
Keşirilən görüşlərdə ABŞ-da sığınacaq tapan Fətullah Gülənin
Türkiyəyə verilməsi də prioritet olub. M.Şimşək 15 iyuldakı uğursuz çevriliş
cəhdinin arxasında Fətullahçı Terror Təşkilatı Paralel Dövlət İdarəçiliyinin
(FETÖ/PDY) olduğuna dair heç bir şübhənin olmadığını bildirib. O, ABŞ-a təqdim
etdikləri qovluqlarda yarım milyona yaxın dəlil olduğunu söyləyib. Konfransda
iştirak edənlərin suallarına cavab verən Mehmet Şimşək deyib ki, Türkiyədə
bazarların FETÖ-nün uğursuz çevriliş cəhdindən sonra sürətli şəkildə özünə
gəlməsində başda maliyyə nizam-intizamı və sabit iqtisadi inkişaf olmaqla güclü
makroiqtisadi əsaslar mühüm rol oynayıb.
Qeyd edək ki, bu səfərdən bir neçə gün öncə ədliyyə naziri Bəkir
Bozdağ da ABŞ-da olub və PKK, FETO məsələsini müzakirə edib.
Baş nazirin digər müavini Numan Kurtulmuş dünən hökumətin iclasında "ədliyyə
naziri Bəkir Bozdağın ABŞ-a səfərinin F.Gülənin geri qaytarılma və yaxud da
müvəqqəti saxlanılma prosesinə sürət qazandırdığını deyib. Onun fikrincə, ədliyyə
nazirinin ABŞ-a səfəri ölkələrarası əlaqələri daha da konkretləşdirib. F.Gülənin
ya müvəqqəti həbsi, ya da ekstradisiya edilməsi prosesini sürətləndirib.
Yeri gəlmişkən, Vaşinqton bəyan edib ki, Türkiyə tərəfindən Gülən haqqında
səsləndirilən iddialarda həqiqət ola bilər. Bunu ABŞ Dövlət Departamentinin adının
çəkilməsini istəməyən bir diplomatı "Assoşieyted press” agentliyinə
açıqlamasında deyib.Onun sözlərinə görə, Türkiyə hökuməti Gülənin
ekstradisiyası üçün yetəri qədər dəlillər təqdim edib.
Amerikalı diplomat Gülən tərəfindən idarə olunan vəqf və təhsil
müəssisələrinin şübhəli quruluşu və maliyyələşməsi olduğunu vurğulayaraq,
onların ağlı-başında dini bir hərəkatdan çox, mütəşəkkil cinayət
təşkilatlarının qara pulları yumaq üçün istifadə etdiyi şəxslər kimi
göründüklərini bildirib.
Azər NURİYEV