Ançelotti bilir ki, onun qayıdışı xəyaldır
"Real”ın yarımmüdafiəçisi Toni Kroosun "Bavariya”ya qayıda biləcəyi
ilə bağlı məlumat yayılıb.
Kaspi.az xəbər verir ki, futbolçunun agenti Folker Ştrut məsələ ilə
bağlı açıqlama verib. O, bu qayıdışın mümkünsüz olduğunu vurğulayıb:
"Cənab Ançelotti bilir ki, Kroosun qayıdışı xəyaldır. Bundan əlavə,
Toni özü də bu yaxınlarda bildirmişdi ki, bir daha Almaniya çempionatında
oynamayacaq.
Bu gün transfer bazarında baş verənlərə nəzər yetirdikdə, görürsən ki,
"Real” Kroosa görə 25 milyon avro ödəməklə, olduqca əlverişli transfer həyata
keçirib.
Müqayisə üçün deyim ki, Xames Rodriges "Monako”dan "Real”a 80 milyon
avro qarşılığında gəlmişdi”.