Bakı 14°C
ADU-da çinli alimlərlə görüş keçirilib
Azərbaycan Dillər
Universitetinin (ADU) nəzdində fəaliyyət göstərən Konfutsi İnstitutunda Çin
İctimai Elmlər Akademiyasının (ÇİEA) Dünya Tarixi İnstitutunun Rusiya və
Şərqi Avropa tarixi şöbəsinin müdiri, professor Vanq Xiaojunun rəhbərlik etdiyi
nümayəndə heyəti ilə görüş keçirilib.
Tədbirdə Konfutsi İnstitutunun Azərbaycan tərəfindən
direktoru, professor Rafiq Abbasov Çinin "Bir kəmər - bir yol” qlobal
layihəsinin reallaşdırılması sahəsində tədqiqatlar aparan Konfutsi İnstitutunun
fəaliyyəti, Çin tarixinə dair seminarlar barədə məlumat verib.
Azərbaycan ilə bağlı təəssüratlarını bölüşən professor Vanq Xiaoju səfər çərçivəsində maraqlı elmi konfrans
keçirildiyini və Konfutsi
İnstitutu ilə elmi əməkdaşlığın inkişafına böyük maraq göstərildiyini
vurğulayıb.
Görüşdə iki qurum
arasındaəməkdaşlıq perspektivləri və birgə layihələrin həyata keçirilməsinə
dair fikir mübadiləsi aparılıb.
Sonda qonaqlara
ADU-nun Konfutsi İnstitutunun Azərbaycan və Çin dilində hazırladığı, Prezident
İlham Əliyevin iki ölkənin münasibətlərinin inkişafına
verdiyi töhfəyə həsr olunan "İlham Əliyev - iki qədim xalqın dostluğunun müasir
davamçısı” adlı kitab hədiyyə edilib.
