Açıq Hökumət Təşəbbüsündə medianın rolu müzakirə edildi
Yanvarın
17-də Beynəlxalq Mətbuat Mərkəzində "Açıq Hökumət Təşəbbüsünün Azərbaycanda tətbiqinə
media dəstəyi: mövcud durum və gözləntilər” mövzusunda dəyirmi
masa keçirildi. Tədbiri "İnformasiya, Təhlil və Planlaşdırma” İctimai Birliyi
Azərbaycan Respublikasının Prezidenti yanında QHT-lərə Dövlət Dəstəyi
Şurasının dəstəyi ilə"Açıq hökumətin təşviqinə dair 2016-2018-ci illər
üçün Milli Fəaliyyət Planı”nın icrasına media dəstəyinin təşkili” layihəsi çərçivəsində
təşkil etmişdi. Tədbiri giriş sözü ilə açan "İnformasiya, Təhlil və
Planlaşdırma” İctimai Birliyinin sədri Elxan Şükürlü bildirdi ki, layihə artıq
yekunlaşmaq üzrədir. Daha sonra Açıq Hökumətin Təşviqinə dair Hökumət-Vətəndaş Cəmiyyəti
Dialoqu Platformasının koordinatoru Əliməmməd Nuriyev çıxış etdi. O, açıq hökuməti
lazımlı edən məqamlardan, bu prosesdə
medianın iştirakının əhəmiyyətindən danışdı: "Azərbaycan açıq hökumət təşəbbüsünə
2011-ci ildə qoşulub. Bu qlobal təşəbbüs ilk dəfə 6 dövlətin iştirakı ilə
başlayıb. Ötən ay bu təşəbbüslə bağlı Parisdə qlobal zirvə toplantısı oldu və mən
də orada iştirak etdim. Artıq 70 ölkə bu təşəbbüsə qoşulub. Çoxlu sayda QHT-lər
həmin ölkələrdə bu təşəbbüsün irəliləməsinə dəstək verir. Amma bu məsələlərdə
medianın rolu mühümdür. Çünki bu layihənin mahiyyəti odur ki, hökumət vətəndaşın
qarşısında açıq olmalı, hökumətin nə etdiyini vətəndaş bilməlidir. Amma doğru məlumatların
ötürülməsi kanalları necə müəyyənləşdirilməlidir? Bunun üsulları nədən ibarətdir?
İnformasiyanın əldə edilməsi, vətəndaşın məlumata əlçatanlığının artırılması təşəbbüsün
ən vacib prinsiplərindən biridir”.
Ə.Nuriyev bildirdi ki, layihə çərçivəsində aparılan müzakirələr zamanı müxtəlif suallara cavab tapılacaq: "Bu layihələr necə həyata keçirilir? Dövlət büdcəsi necə xərclənir? Dövlət büdcəsi təyinatına uyğun xərclənirmi? Burada vətəndaş cəmiyyətinin faydası nədir? Dövlət orqanlarının fəaliyyətində şəffaflıq nə dərəcədədir? Milli Fəaliyyət Planının mahiyyətindən irəli gələn işlərin icrası, vətəndaşın, medianın iştirakı ətrafında söhbət edəcəyik. Hansı hədəflər var və nələr yeni hədəf olacaq? Bu istiqamətdə müzakirələrimiz olacaq”.
Azərbaycan Respublikasının Prezidenti yanında QHT-lərə Dövlət Dəstəyi Şurasının nümayəndəsi Rauf Məcidbəyli bildirdi ki, bu tədbir adi müzkirə olaraq nəzərdən keçilməməlidir: "Tədbir QHT sektorunda cərəyan edən həm müsbət, həm mənfi tendensiyaların müəyyən bir vahid nöqteyi-nəzərdən müzakirəsi, qiymətləndirilməsi, eyni zamanda, vətəndaş cəmiyyəti sektorunun inkişafı ilə bağlı gələcək məqsəd və hədəfləri bölüşmək nöqteyi-nəzərdən əhəmiyyətə malikdir”.
E.Şükürlü "Strateq.az” saytında yaradılmış "Azərbaycanda Açıq Hökumət Təşəbbüsləri” bölməsini təqdim etdi. Layihə eksperti Zaur İbrahimli saytla bağlı məlumat verdi: "Azərbaycanda ilk olaraq sayt daxilində xüsusi olaraq belə bir bölmə yaradılıb. Açıq hökumətlə bağlı internetdə məlumat axtarışı versəniz, ən sonuncu məlumatları bu saytın bölməsində tapacaqsınız. Həmin bölmədə isə müxtəlif kateqoriyalar var. Bu, bölmə yox, saytın içərisində bir saytdır. Bu layihə ilə bağlı yazıları, ekspert fikirlərini elektron ünvanımıza göndərmək olar. Düşünürük ki, bu iş cəmiyyətimizə faydalı olacaq. Qeyd etdiyimiz bölmə layihə ilə məhdudlaşmır. Layihə bitdikdən sonra da saytımız bu istiqamətdə fəaliyyətini davam etdirəcək”.
Ə.Nuriyev bildirdi ki, layihə çərçivəsində aparılan müzakirələr zamanı müxtəlif suallara cavab tapılacaq: "Bu layihələr necə həyata keçirilir? Dövlət büdcəsi necə xərclənir? Dövlət büdcəsi təyinatına uyğun xərclənirmi? Burada vətəndaş cəmiyyətinin faydası nədir? Dövlət orqanlarının fəaliyyətində şəffaflıq nə dərəcədədir? Milli Fəaliyyət Planının mahiyyətindən irəli gələn işlərin icrası, vətəndaşın, medianın iştirakı ətrafında söhbət edəcəyik. Hansı hədəflər var və nələr yeni hədəf olacaq? Bu istiqamətdə müzakirələrimiz olacaq”.
Azərbaycan Respublikasının Prezidenti yanında QHT-lərə Dövlət Dəstəyi Şurasının nümayəndəsi Rauf Məcidbəyli bildirdi ki, bu tədbir adi müzkirə olaraq nəzərdən keçilməməlidir: "Tədbir QHT sektorunda cərəyan edən həm müsbət, həm mənfi tendensiyaların müəyyən bir vahid nöqteyi-nəzərdən müzakirəsi, qiymətləndirilməsi, eyni zamanda, vətəndaş cəmiyyəti sektorunun inkişafı ilə bağlı gələcək məqsəd və hədəfləri bölüşmək nöqteyi-nəzərdən əhəmiyyətə malikdir”.
E.Şükürlü "Strateq.az” saytında yaradılmış "Azərbaycanda Açıq Hökumət Təşəbbüsləri” bölməsini təqdim etdi. Layihə eksperti Zaur İbrahimli saytla bağlı məlumat verdi: "Azərbaycanda ilk olaraq sayt daxilində xüsusi olaraq belə bir bölmə yaradılıb. Açıq hökumətlə bağlı internetdə məlumat axtarışı versəniz, ən sonuncu məlumatları bu saytın bölməsində tapacaqsınız. Həmin bölmədə isə müxtəlif kateqoriyalar var. Bu, bölmə yox, saytın içərisində bir saytdır. Bu layihə ilə bağlı yazıları, ekspert fikirlərini elektron ünvanımıza göndərmək olar. Düşünürük ki, bu iş cəmiyyətimizə faydalı olacaq. Qeyd etdiyimiz bölmə layihə ilə məhdudlaşmır. Layihə bitdikdən sonra da saytımız bu istiqamətdə fəaliyyətini davam etdirəcək”.
Z.İbrahimli daha sonra "Açıq Hökumət Təşəbbüslərində medianın rolu”
mövzusunda məruzə ilə çıxış etdi. Tədbir müzakirələrlə davam etdi.
Aygün