ABŞ İrana qarşı neft embarqosunun müddətini uzadıb

ABŞ prezidenti Donald Tramp İrandan neft və neft məhsullarının idxalına tətbiq edilmiş embarqonun müddətini uzadıb.
Trend-in "Gazeta.ru"ya istinadən verdiyi məlumata görə, bu barədə D.Tramp ABŞ dövlət katibi Mayk Pompeo, Energetika Nazirliyi və Maliyyə Nazirliyinə ünvanladığı qərarda bildirib.
D.Tramp qeyd edib ki, ABŞ İrandan başqa digər ölkələrdən "kifayət qədər neft və neft məhsulları" idxal edir, bu isə embarqonun uzadılmasına əsas verir.
Qeyd edək ki, İrandan neft idxalına embarqo ilk dəfə 2012-ci ildə tətbiq edilib.