Bakı 23°C
ABŞ Dövlət katibi Ermənistan və Azərbaycanı danışıqlar prosesinə qayıtmağa çağırdı
ABŞ Dövlət katibi Mayk Pompeo Ermənistan və Azərbaycanı sentyabrın 27-dən davam edən toqquşmaları dayandırmağa çağırıb.
Trend-in məlumatına görə, M.Pompeo bu çağırışı Yunanıstanın Krit adasına səfəri zamanı edib.
Yunanıstanın Xarici işlər naziri Nikos Dendiasla görüş zamanı ABŞ Dövlət katibi, həmçinin Dağlıq Qarabağ münaqişəsini müzakirə edib:
"Mən və Xarici işlər naziri Dağlıq Qarabağdakı münaqişəni müzakirə etdik. Ermənistan və Azərbaycan hərbi əməliyyatları dayandırmalı, ATƏT-in Minsk qrupunun həmsədrləri ilə işi bərpa etməli tezliklə predmet danışıqlara qayıtmalıdır".
