“Azərbaycan Şərq Tərəfdaşlığının fəal tərəfdaş ölkəsidir”
Prezident İlham Əliyev: "Avropa İttifaqı ilə əməkdaşlıq
Azərbaycanın xarici siyasətinin əsas prioritetlərindəndir”
Bir neçə gün bundan öncə Şərq Tərəfdaşlığı ölkələrinin videokonfrans formatında Sammiti keçirilib. Avropa İttifaqı Şurasının prezidenti Şarl Mişelin, Avropa Komissiyasının prezidenti Ursula fon der Lyayenin, həmçinin Avropa İttifaqına üzv dövlətlərin, Şərq Tərəfdaşlığı ölkələrinin dövlət və hökumət başçılarının da iştirakçı olduğu Sammitdə Prezident İlham Əliyev çıxış edərək, Azərbaycanın Şərq Tərəfdaşlığının fəal tərəfdaş ölkəsi olduğunu diqqətə çatdırıb. Bildirib ki, Avropa İttifaqı ilə əməkdaşlıq Azərbaycanın xarici siyasətinin əsas prioritetlərindəndir.
Azərbaycanın Avropa İttifaqının bir çox üzvləri ilə sıx əməkdaşlığının olduğunu xatırladan Prezident İlham Əliyev qurumun 9 üzvü ilə strateji tərəfdaşlıq haqqında sənəd imzalandığını dilə gətirib. Qeyd edib ki, hazırda Azərbaycan Avropa İttifaqı ilə yeni tərəfdaşlıq sazişi ilə bağlı danışıqların yekun mərhələsindədir. Dövlət başçısı iki il bundan əvvəl Brüsseldə Azərbaycan və Avropa İttifaqı arasında "Tərəfdaşlıq Prioritetləri” sənədinin paraflandığını da diqqətə çatdırıb. Deyib ki, bu sənəddə hər iki tərəfin müstəqillik, suverenlik, ərazi bütövlüyü və beynəlxalq səviyyədə tanınmış sərhədlərin toxunulmazlığı prinsiplərinə sadiqliyi vurğulanır. On beş ilə yaxındır ölkəmizin Avropa bazarlarına xam neft nəql edən etibarlı təchizatçı olduğunu söyləyən Prezident İlham Əliyev yaxın zamanda Azərbaycanın Avropa İttifaqının üzv dövlətlərini təbii qazla təchiz etməyə başlayacağını vurğulayıb. Bildirib ki, ölkəmiz Azərbaycanı Avropa İttifaqı bazarlarına bağlayacaq 3500 kilometrlik inteqrasiya edilmiş boru kəməri sistemi olan Cənub Qaz Dəhlizinin tikintisinin təşəbbüskarı olub və bu layihəni maliyyələşdirib. O, Cənub Qaz Dəhlizinin enerji əməkdaşlığının, enerji təhlükəsizliyi və enerjinin şaxələndirilməsi layihəsi olduğunu deyib.
Alpər TURAN
Bir neçə gün bundan öncə Şərq Tərəfdaşlığı ölkələrinin videokonfrans formatında Sammiti keçirilib. Avropa İttifaqı Şurasının prezidenti Şarl Mişelin, Avropa Komissiyasının prezidenti Ursula fon der Lyayenin, həmçinin Avropa İttifaqına üzv dövlətlərin, Şərq Tərəfdaşlığı ölkələrinin dövlət və hökumət başçılarının da iştirakçı olduğu Sammitdə Prezident İlham Əliyev çıxış edərək, Azərbaycanın Şərq Tərəfdaşlığının fəal tərəfdaş ölkəsi olduğunu diqqətə çatdırıb. Bildirib ki, Avropa İttifaqı ilə əməkdaşlıq Azərbaycanın xarici siyasətinin əsas prioritetlərindəndir.
Azərbaycanın Avropa İttifaqının bir çox üzvləri ilə sıx əməkdaşlığının olduğunu xatırladan Prezident İlham Əliyev qurumun 9 üzvü ilə strateji tərəfdaşlıq haqqında sənəd imzalandığını dilə gətirib. Qeyd edib ki, hazırda Azərbaycan Avropa İttifaqı ilə yeni tərəfdaşlıq sazişi ilə bağlı danışıqların yekun mərhələsindədir. Dövlət başçısı iki il bundan əvvəl Brüsseldə Azərbaycan və Avropa İttifaqı arasında "Tərəfdaşlıq Prioritetləri” sənədinin paraflandığını da diqqətə çatdırıb. Deyib ki, bu sənəddə hər iki tərəfin müstəqillik, suverenlik, ərazi bütövlüyü və beynəlxalq səviyyədə tanınmış sərhədlərin toxunulmazlığı prinsiplərinə sadiqliyi vurğulanır. On beş ilə yaxındır ölkəmizin Avropa bazarlarına xam neft nəql edən etibarlı təchizatçı olduğunu söyləyən Prezident İlham Əliyev yaxın zamanda Azərbaycanın Avropa İttifaqının üzv dövlətlərini təbii qazla təchiz etməyə başlayacağını vurğulayıb. Bildirib ki, ölkəmiz Azərbaycanı Avropa İttifaqı bazarlarına bağlayacaq 3500 kilometrlik inteqrasiya edilmiş boru kəməri sistemi olan Cənub Qaz Dəhlizinin tikintisinin təşəbbüskarı olub və bu layihəni maliyyələşdirib. O, Cənub Qaz Dəhlizinin enerji əməkdaşlığının, enerji təhlükəsizliyi və enerjinin şaxələndirilməsi layihəsi olduğunu deyib.
Əməkdaşlığın yeni çərçivələri
Qeyd edək ki, Azərbaycan Avropa İttifaqının enerji
təhlükəsizliyinin təmin olunmasında mühüm rol oynayır. Avropa İttifaqı Azərbaycanın
əsas ticarət tərəfdaşıdır. Azərbaycanın ticarətinin təqribən 50 faizi Avropa İttifaqına
üzv dövlətlərinin payına düşür.
Mövzu ilə bağlı millət vəkili Fatma Yıldırım deyib ki, Azərbaycan-Avropa İttifaqı
siyasi əlaqələri qarşılıqlı hörmət prinsiplərinə əsaslanır. O bildirib ki, Aİ
ilə əməkdaşlığı özünün prioritet istiqamətlərindən biri hesab edən Azərbaycan
siyasi, iqtisadi, hüquqi və digər sahələrdə bu təşkilatla uğurlu əməkdaşlıq etməkdədir:
"Avropa İttifaqının rəhbərləri dəfələrlə bəyan ediblər ki, Azərbaycan onlar
üçün etibarlı və məsuliyyətli tərəfdaşdır. Dərin etimad mühitində davam edən əməkdaşlıq
hazırda yeni mərhələnin başlanğıcındadır. Azərbaycan Aİ ilə ikitərəfli əlaqələrin
yeni formatlarını yaradır, onunla yaxınlaşmaq üçün zəruri olan bütün təsisatları
inkişaf etdirərək ümumavropa iqtisadi, siyasi və təhlükəsizlik məkanına
inteqrasiya olunmaq istəyini ortaya qoyur. Respublikamız Aİ-nin irəli sürdüyü təşəbbüsləri
dəstəkləyir və gerçəkləşdirir. Hazırda bu qurumun 9 üzvü ilə ölkəmiz arasında
strateji tərəfdaşlıq haqqında sənəd imzalanıb. "Tərəfdaşlıq Prioritetləri”
adlı bu sənəd ölkəmizin Aİ strukturlarına inteqrasiyasına xüsusi töhfə verəcək.
Ancaq əməkdaşlığın yeni çərçivələri bir sıra mühüm məsələlərin də həllini zəruri
edir”.Münaqişə həll edilməlidir
Deputat F.Yıldırım deyib ki, Avropa İttifaqı ilə
imzalanması nəzərdə tutulan yeni saziş tərəfdaş ölkələrdə təhlükəsizliyin möhkəmləndirilməsi
baxımından bir sıra mühüm məsələləri də şərtləndirir: "Tərəfdaşlıq
Prioritetləri”ndə çox aydın şəkildə hər iki tərəfin müstəqillik, suverenlik, ərazi
bütövlüyü və beynəlxalq səviyyədə tanınmış sərhədlərin toxunulmazlığı prinsiplərinə
sadiqliyi vurğulanır. Azərbaycanın Aİ ilə sıx əməkdaşlığının mühüm prinsiplərindən
biri genişmiqyaslı layihələrin gerçəkləşdirilməsidir. Regionda sülhə və
sabitliyə təhdid olan Ermənistan isə Azərbaycanın torpaqlarının 20 faizini
işğal altında saxlamaqla regionda sabitliyin və rifahın artırılmasına maneçilik
törədir. Belə bir vəziyyətdə Avropa İttifaqı Dağlıq Qarabağ probleminin həllində
respublikamızın gözlədiyi prinsipial və qətiyyətli addımları dəstəkləməklə
yanaşı, təsirli addımlar atılmasında da fəal olmalıdır. "Tərəfdaşlıq
Prioritetləri”ndə əks olunmuş eyni prinsiplər əsasında münaqişə həll edilməlidir.
Bunu Cənab Prezident İlham Əliyev növbəti dəfə Aİ rəhbərlərinin diqqətinə
çatdırdı”.
Enerji mənbələrinin
şaxələndirilməsi üçün geniş imkanlar
Sosial Tədqiqatlar Mərkəzinin
Daxili siyasətin təhlili departamentinin baş məsləhətçisi, politoloq İlyas
Hüseynov da qeyd edib
ki, bu günə kimi Azərbaycan Avropa İttifaqına üzv 9 dövlət ilə strateji tərəfdaşlıq
haqqında sənəd imzalayıb. Onun sözlərinə görə, hazırda konstruktiv əməkdaşlıq şəraitində
Avropa İttifaqı ilə yeni tərəfdaşlıq sazişi üzərində iş gedir: "Xüsusilə qeyd
etmək lazımdır ki, Avropa İttifaqı Azərbaycanın əsas ticarət tərəfdaşıdır. Azərbaycanın
ticarətinin təqribən 50% Avropa İttifaqı üzv dövlətlərinin payına düşür. Azərbaycan
uzun müddətdir ki, Avropa bazarlarına xam neft nəql edən etibarlı təchizatçıdır.
Digər tərəfdən, Azərbaycan Avropa İttifaqının enerji təhlükəsizliyinin təmin
olunmasında mühüm rol oynayır. Yaxın zamanda biz Avropa İttifaqının üzv dövlətlərini
təbii qazla təchiz etməyə başlayaraq enerji təhlükəsizliyi və enerji
ehtiyatlarının şaxələndirilməsini də təmin etmiş olacağıq. Azərbaycan 3500
kilometrlik boru kəməri sistemi olan Cənub Qaz Dəhlizi tikintisinin təşəbbüskarı
olmuş və bu layihənin maliyyələşdirilməsində yaxından iştirak etmişdir. Cənub
Qaz Dəhlizi həm Azərbaycanı Avropa İttifaqı bazarına bağlayacaq, həm də
Avropaya enerji mənbələrinin şaxələndirilməsi üçün geniş imkanlar yaradacaq”.
Alpər TURAN