1:30 hesabı ilə uduzdular, sevincdən ağladılar
Cənubi Koreyada vaterpol üzrə dünya çempionatı davam edir.
Kaspi.az xəbər verir ki, meydan sahibləri çempionatda ikinci
qarşılaşmalarını keçiriblər və böyük sevincə qərq olublar. Baxmayaraq ki,
Koreya yığması Rusiyaya 1:30 hesabı ilə məğlub olub .
Koreya ilk qarşılaşmada Macarıstan yığmasına 0:64 hesabı ilə məğlub
olmuşdu. Rusiya ilə oyunda meydan sahibləri ilk qollarını vurublar. Hesab 0:27
olarkən, Koreya yığması fərqlənib. Bu qoldan sonra yığma üzvləri sevincdən
ağlayıblar.