Elvin Xəzər/AZADİNFORM. ATƏT-in söz və media azadlığı üzrə yeni nümayəndəsi təyin olunub. AZADİNFORM ATƏT-in mətbuat xidmətinə istinadən xəbər verir ki, bu vəzifəyə Bosniya-Herseqovinadan olan Dunya Miyatoviç təyin olunub.
Üç il müddətinə bu vəzifəni icra edəcək D.Miyatoviç bu postda Mikloş Haraştini əvəzləyəcək.
Xatırladaq ki, D.Miyatoviç kütləvi informasiya vasitələri haqqında qanunvericilik sahəsində mütəxəssisdir. Bosniya və Herseqovina kommunikasiyaların nizamlanması agentliyinin təsisçilərindən biri olan Miyatoviç eyni zamanda Mətbuat Şurasının formalaşdırılmasında da yaxından iştirak edib. D.Miyatoviç bu posta seçilən ilk qadındır. O həmçinin media eksperti qismində Ermənistan, İordaniya, Serbiya, Qaradağ, Sloveniya, Avstriya, Mərakeş və İraqda da çalışıb. |
Açılış Səhifəsi et 
ATƏT-in söz və media azadlığı üzrə yeni nümayəndəsi təyin olunub