Bayram Niftəliyev/AZADİNFORM. Yeni Azərbaycan Partiyası (YAP) Binəqədi rayon təşkilatının yaradılmasının 17-ci ildönümü münasibətilə tədbir keçirilib. AZADİNFORM xəbər verir ki, tədbirdə payon təşkilatının sədri Nəbi Xəlilov çıxış edərək ötən dövrdəki fəaliyyət barədə məlumat verib. Bildirib ki, ümummilli lider Heydər Əliyevin qurucusu olduğu YAP zamanın tələbi olaraq yaradılıb. O, bu gün Prezident İlham Əliyevin rəhbərliyi ilə partiyanın inkişafın yeni mərhələsində olduğunu söyləyib. N.Xəlilov qeyd edib ki, hazırda YAP Binəqədi rayon təşkilatı sıralarında 12 min nəfərə yaxın üzvü birləşdirib. İlk təşkilatların sayı isə 212-dir. Onun sözlərinə görə, 2010-cu ilin ötən dövründə təşkilat sıralarına 200 nəfərin üzv olması ilə yanaşı, 4 ilk ərazi təşkilatı da yaradılıb. Tədbirdə YAP İdarə Heyətinin üzvləri Şahlar Əsgərov və Nizami Xudiyev, partiyanın Siyasi Şurasının üzvü Həsən Mirzəyev və digərləri iştirak ediblər.

Yerləşdirilib: 10.03.10   Baxılıb: 213