Bayram Niftəliyev/AZADİNFORM. Martın 12-də İnsan Hüquqlarına dair Beynəlxalq Standartların Təsbiti üzrə Birgə İşçi Qrupu, Prezident yanında Strateji Araşdırmalar Mərkəzi ilə birgə “Demokratik cəmiyyətdə media: beynəlxalq və milli təcrübə” adlı beynəlxalq konfrans keçirəcək. Bu barədə məlumatı AZADİNFORM-a İnsan Hüquqlarına dair Beynəlxalq Standartların Təsbiti üzrə Birgə İşçi Qrupdan veriblər.
Konfransda mətbuatın durumu, söz azadlığı, problemlər və onların həlli yolları, eyni zamanda milli və beynəlxalq təcrübə müzakirə olunacaq.
Tədbirdə AŞ PA, ATƏT PA, Avropa Parlamentinin deputatları, ABŞ, MDB və Avropadan ekspertlər, beynəlxalq jurnalist təşkilatları, Azərbaycanda akkreditə olunmuş beynəlxalq təşkilatlar və səfirliklərin nümayəndələri, Milli Məclisinin deputatları, dövlət qurumlarının əməkdaşları və KİV nümayəndələri iştirak edəcəklər. |
Açılış Səhifəsi et 
Bakıda “Demokratik cəmiyyətdə media: beynəlxalq və milli təcrübə” adlı beynəlxalq konfrans keçiriləcək