 Ermənistanda sentyabrın 11-dən 17-ə kimi NATO-nun “Ermənistan-2010” adlı təlimləri keçiriləcək. Təlimlərin əsas məqsədi təbii fəlakət zonalarında humanitar yardım edilməsinə dair təcrübə qazanmaqdır. Türkiyənin “Radikal” qəzetinin verdiyi xəbərə görə, təlimlər zamanı Türkiyədən hərbi maşın karvanının keçməsi üçün Ermənistan-Türkiyə sərhədləri açılacaq.
Təlimlərdə 19 ölkə iştirak edəcək. Bu, NATO-nun “Sülh naminə əməkdaşlıq” proqramı çərçivəsində həyata keçirilir.
Qeyd edək ki, Türkiyə ilə Ermənistan arasında heç bir diplomatik münasibət yoxdur. 1993-cü ildə Kəlbəcərin işğalından sonra iki ölkə arasında sərhəd rəsmi Ankaranın təşəbbüsü ilə bağlanıb.
2009-cu il oktyabrın 10-da Türkiyə və Ermənistanın xarici işlər nazirləri İsveçrənin Sürix şəhərində «Diplomatik münasibətlərin təsis olunması protokolu» və «İkitərəfli əlaqələrin inkişaf etdirilməsi protokolu»nu imzalayıblar.
Birinci protokol diplomatik münasibətlərin qurulmasını nəzərdə tutur. İkinci sənəd isə qüvvəyə minəndən sonra iki ay ərzində Türkiyə ilə Ermənistan arasındakı dövlət sərhədi açılmalıdır.
Ermənistan parlamenti Sürix protokollarını müzakirə etməkdən imtina edib.
|
Açılış Səhifəsi et 
Ermənistan-Türkiyə sərhədi müvəqqəti açılacaq